– Шу кунларда “қозоқ тилини инглиз (лотин) имлосига ўтказиш барча соҳаларда   Россия билан ҳамкорликни қисқартириш, Россия билан алоқаларни йўққа чиқаришдан иборат”, деган ахборотларни тар­қатаётганлар бор. Бундай иғвогарлик ҳар доим ва тез-тез содир бўлади, – огоҳлантирди депутат. 

– Рус тили Қозоғистон аҳли катта қисми­нинг ўзаро муомала тили, уни қўллаш ва ундан фойдаланиш йўқолиб кетмайди, – дея қўшимча қилди у. – Русийзабон аҳоли боғчадан бошлаб қозоқ тилини кўнгилли равишда зўр қизиқиш билан ўрганмоқда. Қозоқ тилида бошқа ҳарфларни ишлат­ганимиз билан дўст мам­лакатларга муносабатимиз ўзгармайди. Қозоғистоннинг рус дунё­сидан узоқлашаётганини таъкидлаётганлар буни яхши англаб олишлари зарур.

– Президентимиз қозоқ, рус, инглиз тилларини ўрганишимиз зарурлигини ҳамиша таъкидлаб келган. Тил билиш ҳар бир мутахассисга имко­ниятларидан уч баравар кўпроқ фойдаланиш имконини  беради. Давлат тили бугунги кунда ижтимоий-иқтисодий имкониятлар берса, рус ва инглиз тиллари улкан ҳажмдаги билим ва ахборот эшигини очади, – дея ўз сўзини якунлади Қозоғистон Республикаси Парламент Мажлиси Раисининг ўринбосари  В. Божко.