Шимкентдаги “БИІК” спорт мажмуасида “Қыран” жамоаси  Бойқўнғир футболчилари билан куч синашди. Навбатдаги V тур ўйинларида иккала  жамоа ҳам ҳисобни оча олмади.

Шимкент жамоаси таркибида ўйнаган  ёш футболчилар бу масъул матчга ўз мухлисларини ғалаба билан қувон­тирамиз,  деган ниятда келишган  эди. Бироқ, қиранликлар ўйин давомида рақиблар дарвозасига бир неча марта ҳужумлар қилгани билан  қизилўрдалик дарвозабон Шинғис Танатқанов дарвозага коптокни ўтказмади.

Яшил майдонга шимкентликларни жамоа сардори Ғалимжан Ермурзаев бошлаб чиқди.

Футбол соҳасининг малакали мураб­бийлари Бақит Кушенов, Ауелбек Дер­бисбаев, Сергей Козюлин, Алитбек Еспенбетов мураббийлик қилаётган Шимкентнинг жамоаси йил сайин таж­рибасини орттирмоқда. Бу йил тузил­ганига олти йил бўлган "Шимкент" футбол клубининг директори Евгений Шкариннинг маълум қилишича, бугунги кунда мамлакатимизнинг бир қатор кас­бий жамоаларида “Қыран» сафида тар­бияланган маҳаллий ўйинчиларнинг сафи кенгайган. Айтайлик, 2017 йилги футболдан Қозоғистон чемпионатида ўйин кўрсатган Қизилўрда «Қайсар» жамоасининг энг моҳир футболчиси Илияс Амирсейитов ҳам жанублик.  

Шунингдек, «Ордабасы» жамоасидаги фаол футболчилар қаторидаги Санат Жумаханов, «Атирау» жамоаси аъзоси Бекжан Абдирахман бироз йил бурун  «Қы­ран»нинг  номусини ҳимоя қилганлар, ҳозирги кунда футболдан Қозоғистон премьер лигаси жамоалари сафида тўп сурмоқдалар.