Вилоят ҳокими Жансейит Туймебаев иштирокида Мақ­таарал тумани Атакент кентида янги туманлар тузилиши муносабати билан “Элбошининг Фармони – минтақа фа­­­ровонлиги” номли тантанали тадбир уюштирилди. Ун­­­да вилоят маслаҳати котиби Қ. Балабиев, “Нұр Отан” пар­тияси вилоят филиали раисининг биринчи ўринбосари Н. Жўлдасов, вилоят маслаҳати депутатлари ва жамоат арбоблари, зиёли қавм вакиллари иштирок этишди.

Тумандаги “Алпомиш ботир” марказий ўйингоҳида ўтган тад­бир минтақа тарихига доир театр­лаштирилган саҳна кўри­­ниши билан бошланди. Дастлаб сўзга чиққан минтақа раҳбари тарихий воқеа мо­ҳиятига тўх­талиб, маҳаллий аҳолини таб­риклади.

– Элбошининг Мақтааралга оид Фармонини Жануб аҳли мамнунлик билан қабул қилди. Аҳолиси зич жойлашган туманни Мақтаарал ҳамда Же­тисайга аж­ратиб берган Пре­­­­­­­­­­зидентимизга алоҳида мин­нат­­­дорчилик билди­рамиз. Мир­­­­­­­зачўл қутлуғ ҳамда му­қад­­дас ҳудудлардан. Ушбу ман­­­­­зилда меҳнат қилган 35 на­­фар ҳамюртимизга собиқ Ит­тифоқнинг энг юксак мукофоти Социалистик Меҳнат Қаҳрамони унвони бежиз берилмаган. Шунинг учун Мирзачўл мардлик ва жасоратнинг муқаддас ма­кони десак, айни муддао бў­­лади. Барчангизни Жанубий Қозоғистон вилояти учун муҳим ҳамда қувончли воқеа билан табриклайман! – деди вилоят ҳокими.

Таъкидлаш жоиз, энди ян­­­­­­ги ту­зилма бўйича Жетисай туманининг майдони – 104428 гектар, аҳолиси сони –172 903, тар­ки­бида 13та қишлоқ округи ва 113та аҳоли манзили мавжуд. Маркази – Жетисай шаҳри. 

Мақтаарал туманининг ҳуду­ди 80970 гектарни ташкил этса, аҳолиси сони – 131781 одам. Туманда 11 қишлоқ округи ва  69 аҳоли манзили мавжуд. Маркази – Мир­закент кенти.

Шунингдек, минтақа раҳ­­­­­бари тантанали тадбирда ту­маннинг иж­ти­­моий-иқтисодий риво­жига ҳисса қўшган бир гуруҳ фуқароларни тақ­дирлади. 

Тан­тана концерт дастурига уланиб кетди.