Туркистондаги собиқ солиқ қўмитаси биносига тўртта вилоят департаменти – давлат даромадлари, молия, давлат мулки ҳамда ички давлат аудити идоралари кўчиб борди. 

Бинонинг очилиш маросимида вилоят ҳокими Ж.Туймебаев, Туркистон вилояти бўйича давлат даромадлари департаменти раҳбари А. Тлегенов ва шаҳар ҳокими А. Ўсербаевлар иштирок этишди. 

Минтақа раҳбари вилоятнинг янги марказига кўчиш бўйича илк қадам қўйилганини, бу залворли ишнинг ўз вақтида амалга оширилишини маълум қилди.

Ушбу тадбирдан сўнг А. Яссавий номидаги ХҚТУ маданият саройи мажлислар залида вилоят ҳокими раислигида вилоят ҳокимлигининг кенгайтирилган мажлиси ўтди. 

Бир соатдан зиёд давом этган маърузадан сўнг кенгаш раиси, вилоят ҳокими Ж.Туймебаев тадбирга якун ясади. 

Тадбирда туман, шаҳар ҳокимлари, вилоят маслаҳати депутатлари, ҳуқуқни муҳофазалаш ва давлат органлари раҳ­­барлари иштирок этишди. Кенгашда Туркистон вилояти давлат даромадлари департаменти бошлиғи А. Тилегенов 2018 йилнинг биринчи ярми якунлари ва солиқ қамровини кенгайтириш хусусида батафсил маъруза қилди.  

Таъкидлаш жоизки, Шимкент шаҳрида Туркистон вилоятининг 30та минтақавий давлат органи бўлса, келгуси ойда уларнинг барчаси Туркистон шаҳрига кўчиб боради. Ҳокимлик тасарруфидаги 24та бошқарма ҳам келгуси ойда тўлиқ кўчади.