Сўзоқ туманининг 90 йиллиги муносабати билан Чўлоққўрғон қишло­ғи­даги “Мыңжылқы” маданият саройида “Сўзоқ – шеър, Сўзоқ – сўз, Сўзоқ – санъат” мавзуида илмий-амалий анжуман ўтди. Тантанали тадбирда ви­­­лоят ҳокими Жансейит Туймебаев Сўзоқнинг қозоқ тарихидаги ролига тўхталиб, туман аҳлини юбилей билан қутлади.

– Элбошимиз Нурсултан Назарбаев “Келажакка йўлланма: маънавий янгиланиш” дастурий мақо­­­ласида Туғилган ернинг ҳар бир сойи ва қири, тоғи ва ўзани тарихдан ҳикоя қилади. Ҳар бир ер номининг келиб чиқиши ҳақида талай ривоят ва ҳикоятлар бор. Ҳар бир ўлканинг халқига совуқда пана, иссиқда соя бўлган, исмлари эл эсида қолган буюк фарзандлари бор. Буларнинг ҳаммасини ёш авлод билиб улғайиши зарур”, деганди. Туркистон вилоятида муқаддас ва кўҳна жойлар бисёр. Шулардан бири – авлиёлар юрти, қадим, куйлар макони бўлган Сўзоқдир. Бу замин миллий адабиётимизнинг дарғалари – Такен билан Сауренбекни, Асқар ва Тўлеген, Батималарни дунёга келтирди. Терискейнинг қадрли фарзанди Асқар Сулейменовнинг таъбири билан айтганда, “Сўзоқ – дарё, Сўзоқ – қария, Сўзоқ – характер”. Ай­ни пайтда Сўзоқ саноати ривожланган, қишлоқ хў­­жалиги гуркираган туманлардан бирига айланди. Бу­гунги тантана туманни янги муваффақиятлар сари етаклайдиган тадбир бўлсин, – деди Ж. Туймебаев.

Илмий анжуманда 1985-1991 йилларда Сў­зоқ ту­ман партия қўмитасининг биринчи коти­би вази­фа­сини бажарган Д. Шеримқулов, мустақил­лик­нинг дастлабки йилларида туманни бошқарган А. Ўмбаев, 1994-1999 йиллари туман ҳокими бўлган Қ. Айтахановлар табрик сўзларини айтиб, тарихий воқеаларни ёдга олдилар.

Сўзоқ туманининг 90 йиллик тўйига бағишланган анжуманда туман ривожига ҳисса қўшган бир гу­­руҳ ҳамюртларимиз вилоят ҳокимининг та­­шаккур­­­­­­­­­­­­­­но­малари ва фахрий ёрлиқлар билан тақдир­ландилар.