Туркистон шаҳридаги Есимхан номли майдонда Янги йил арчасининг чироқлари ёқилди. Тантанали тадбирда вилоят ҳокими Жансейит Туймебаев иштирок этиб, шаҳар аҳолисини  байрам билан табриклади.

– Янги йил – оилавий байрам. Айниқса, болажонларимиз учун унинг ўрни ўзгача. Уларнинг шодон кулгиси ва беғубор болалик даврига етадиган неъмат йўқ. Шу сабабли, юракка илиқлик бахшида этувчи байрам арафасида бош арчанинг чироқларини ёқмоқдамиз. Янги йилда халқимиз эзгуликка, давлатимиз мўлчиликка, бахт ва қувончга тўлсин! Барчангизнинг хонадонингизга қувонч, оилаларингизга тинчлик, ишларингизга муваффақият тилайман. Янги йил ҳаммамиз учун баракали йил бўлсин!, – деди Жансейит Туймебаев.

Тадбирда эртак қаҳрамонлари ҳамда Қорбобо ва қорқиз саҳна кўринишни намойиш этдилар. Шунингдек, шаҳар Маданият уйи санъаткорлари туркистонликлар ва меҳмонлар эътиборига концерт дастурини ҳавола қилишди. Байрам тадбирининг сўнги мушакбозликка улашиб кетди.

Таъкидлаш жоизки, Есимхан майдонида ўрнатилган арчанинг узунлиги 20 метр. Уни безатишга 3300га яқин пуфак ишлатилган. 8 метрли кичкина арчалар эса 300 дона пуфак билан безатилган. Майдонни узунлиги 4270 метрли ранг-баранг чироқлар маржони ёритиб турибди.