Туркистон вилоятида 400 минг кв.метрга яқин уй-жой фойдаланишга топширилди

Туркистон вилоятида ўтган йили молиялаштиришнинг барча манбалари оқали 387, 8 минг кв.метр уй, яъни 3003та квартира фойдаланишга берилди. Бу кўрсаткич 2017 йилнинг шу даврига нисбатан 21,7 фоизга ўсган. Давлат бюджети ҳисобидан 171,8 минг кв.метр ижаравий уй, яъни 2509 квартира, 74та уйнинг қурилиши юритилмоқда. Йил якуни бўйича 30,6 минг кв.метр, яъни 500та квартира, 35та уй топширилган.

Бундан ташқари, жорий йил давлат бюджети ҳисобидан 186та кўпқаватли уй, умумий майдони яъни 466,2 минг кв. метрни ташкил этадиган 6721 та квартира қурилиши олиб борилади. Шундан 82тасини бу йил топшириш режаланмоқда.

Туман ва шаҳарларда эса 1715та хусусий уй қурилишини тугатиш кўзда тутилмоқда. Йил охиригача вилоят бўйича жами 4848та квартира соҳибларини топади.

Ўтган йили вилоят маркази – Туркистон шаҳрида “Туркистон МЧБ” ҲЖ ҳамда хусусий қурувчилар орқали 6та кўпқаватли насия уй, яъни 336 уй, (26,1 минг кв.м.) қурилиши бошланди. 2019 йилнинг 3-чорагида шу уйлар фойдаланишга топширилиб, барчаси “7-20-25” дастури доирасида аҳолига тақдим этилади.

Туркистон шаҳридаги “Ўтрор” кичик туманида умумий майдони 38 гектарни ташкил этадиган “Туркистон – янги шаҳар” уй мажмуаларида кредитга бериладиган 88та кўпқаватли уй қурилиши бошланди.