Шукрона куни вилоят маркази – Туркистон шаҳрида юқори са­­­­­вияда нишонланди. Бу кун қувғин қилинган барча этносларнинг улар учун қийин даврларда кўрсатган ёрдами учун қозоқларга эҳтиром кўрсатиш  кунидир.

Шу муносабат билан ташкил этилган давра суҳбатида Туркистон вилоятидан сайланган Қозоғистон халқи Ассамблеяси аъзолари, вилоят этномаданият бирлашмалари ва уларнинг Ёшлар қаноти етакчилари, вилоят ҚХА қошидаги “Ижтимоий тотувлик”, Оналар кенгаши, илмий-тадқиқот гуруҳи аъзолари ва ОАВ вакиллари қатнашдилар. 

Йиғилишни очган Туркистон ви­лояти ҳокимининг ўринбосари Ма­лик Ўтарбаев иштирокчиларни таб­риклаб, байрамнинг аҳамиятига ат­рофлича тўхталди.

– Шукрона кунини тарихга таъзим куни  деб тушунганимиз дуруст, – де­ди Малик Нуржанули. Сўнг Туркистон вилоятидан сайланган Ассамблея аъзоларига гувоҳномалар  топширди.

Вилоят чечен-ингуш этнома­­даният бирлашмасининг раиси Ха­сан Бациев, вилоят турк этно­ма­даният бирлашмаси қошидаги  Оналар кенгашининг раисаси Рей­хан Алайбекова ва бошқалар қув­ғин йиллари қўллов кўрсатиб, қўр­­­­­­ғон бўлган қозоқ халқига миннат­­­­дорчилик билдиришди. “Мирас” уни­верситетининг 1-босқич тала­баси, мақтаараллик Сабина Пак ўзи ёзган шеърни ўқиб, дил изҳорини билдирди.

Йиғилиш сўнгида депортация сиё­сати оқибатлари ва мажбурий кўчи­рилган  элатлар ҳақида махсус тайёр­ланган видеоролик кўрсатилди. 

Шукрона куни муносабати билан ўтказилган тадбирлар давомида Х. А. Яссавий номидаги ХҚТУ талабалари ўртасида эссе танлови, мактабларда  Қозоғистонга тақдир тақозоси билан кўчиб келган этнослар ворислари иштирокида очиқ дарслар ўтказилди.

Вилоят судининг ташаббуси би­лан Шукрона кунига бағишланган махсус тадбирда “Халқлар дўстли­гининг барқарорлиги ва бирлиги” мав­зуида маърузалар тингланиб, этнома­даният бирлашмалари вакиллари қозоқ халқига миннатдорчилик билдирдилар.

Туркистон вилояти судининг раиси Талғат Баратбеков йиғилганларни байрам билан табриклади.