Қозоғистон Президенти Нурсултан Назарбаевнинг ўз ваколатидан воз кечиши ҳақидаги қарори биз учун кутилмаган янгилик бўлди. 

27 йил муқаддам Қозоғистон халқи муҳим қарор қабул қилди. Нурсултан Назарбаевни Мустақил Қозоғистоннинг Президенти этиб сайлади. 

Қозоғистон Президенти ёшларга доимо алоҳида эътибор қаратиб келган. Давлат раҳбарининг саъй-ҳаракатлари туфайли қозоғистонлик ёшларнинг сифатли билим олиши, иш билан таъминланиши учун барча шароитлар яратилди. 

Мамлакатимизда Қозоғистон Президенти Нурсултан Назарбаев Фармони билан 1993 йил 5 ноябрда иқтидорли ёшларнинг хорижда таълим олиши ҳамда олган билими билан давлатимиз ривожига ҳисса қўшишлари учун “Болашақ” дастури ишлаб чиқилди. Ҳозирги кунда ёшлар учун энг яхши жаҳон университетларининг эшиклари очиқ.

Президентимизнинг доно сиёсати туфайли ёшларимиз рақобатбардош ва билимли бўлиб ўсишмоқда. Иқтидорли вакилларимиз давлатимизни дунёга танитиб, турли соҳаларда жаҳон майдонларини забт этишмоқда. Чунончи, кашфиётчилар, композиторлар, олимлар, спортчилар мустақиллик йилларида Қозоғистон номини дунёга танитди.

Қозоғистоннинг мустақиллигига мислсиз ҳисса қўшиб, келажак пойдеворини тиклаган шахсга эҳтиром кўрсатиш – буюк маданият белгиси. Элбоши шундай ҳурматга лойиқ эканлигини яна бир бор исботлади.