Қозоғистон Президенти Қасим-Жўмарт Тўқаев Меҳнат ҳамда аҳолини ижтимоий муҳофаза қилиш вазири Бердибек Сапарбаевни қабул қилди

Давлат раҳбарига давлатимиздаги “Меҳнат” давлат дастурини амалга ошириш, кам таъминланган кўп болали оилаларга кўрсатилаётган ёрдам, шунингдек, янги иш ўринларини очиш орқали аҳоли бандлигини таъминлаш ҳақида маълумот берилди.

Вазир кичик корхоналарга грантлар, кредит берилишини, мутахассислиги йўқ фуқароларни қайта ўқитиб, ёшлар амалиёти ҳамда жамоат ишларига жалб этиш орқали йил давомида 370 минг янги иш ўрнини очиш режалаштирилганини айтди. Б. Сапарбаевнинг айтишича, келгуси уч йилда камида 1 млн. 100 минг иш ўрнини очиш кўзланган. Шунингдек, давлатимиздаги имконияти чекланган фуқароларни ҳимоя қилиш борасида миллий режа тайёрланаётганини, ички ҳамда ташқи миграция сиёсати амалга оширилишини маълум қилди.

Қасим-Жўмарт Тўқаев аҳолини ижтимоий муҳофаза қилишга йўналтирилган давлат дастурларининг сифатли амалга оширилиши аҳамиятли эканлигига тўхталиб, жумладан, кам таъминланган кўп болали оилаларнинг ижтимоий шароитини яхшилаб, ишсизлик даражасини 4,5 фоиздан оширмаслик даркорлигига урғу берди. Шунингдек, мамлакатимиздаги имконияти чекланган фуқароларни қўллаб-қувватлаш зарурлигини айтди.

Давлат раҳбари ижтимоий дастурларнинг муддатида ҳамда сифатли бажарилишига оид қатор аниқ топшириқлар берди.