Марказий сайлов комиссиясининг мажлисида 2019 йилнинг 9 июнига белгиланган навбатдан ташқари Президент сайловига номзод сифатида Қасим-Жўмарт Тўқаев рўйхатга олинди.

Марказий сайлов комиссиясининг котиби С. Мустафинанинг айтишича, Қасим-Жўмарт Кемелули “Қозоғистон Республикасидаги сайлов тўғрисида” Қозоғистон Республикаси Конституциявий қонунининг 54 ва 55-моддаларига биноан тегишли ҳужжатларни ўтказган.

– 2019 йил 9 июнга белгиланган Қозоғистон Президентининг навбатдан ташқари сайловида Қасим-Жўмарт Кемелули Тўқаевни Қозоғистон Республикаси Президентлигига номзод сифатида рўйхатга олиш тўғрисида қарор лойиҳаси тайёрланди. Қарор лойиҳасида қуйидаги масалалар кўзда тутилган: Қ. К. Тўқаев 2019 йил 9 июнга белгиланган Қозоғистон Республикаси Президентлигига номзод сифатида тиркалсин. Президентликка номзод 

Қ. К. Тўқаевга тегишли гувоҳнома берилсин. Қ. К. Тўқаев махсус вақтинча ҳисоб рақамини очиш учун “Қозоғистон халқ жамғарма банки” ҲЖга президентликка номзод бўлиб рўйхатга олингани ҳақида маълумотлар берилсин. ОАВда Қ. К. Тўқаевнинг Қозоғистон Республикаси Президентлигига номзод бўлиб рўйхатга олингани ҳақида хабар чоп этилсин, – деди С. Мустафина.

Марказий сайлов комиссиясининг аъзолари қарор лойиҳасига овоз бериб, у бир овоздан қабул қилинди. Шундан сўнг Марказий сайлов комиссиясининг раиси Берик Имашев президентликка номзод Қасим-Жўмарт Тўқаев хизмат сафарида бўлганлиги сабабли тегишли гувоҳномани унинг ишончли вакили – “Nur Otan” партияси Раисининг биринчи ўринбосари Маулен Ашимбаевга топширди.