Туркистонга иш сафари билан келган ҚР Давлат хизмати ишлари ва уюшган жиноятчиликка қарши ҳаракатлар агентлиги раиси Алик Шпекбаев вилоят ҳокимлиги қошидаги Лойиҳавий идора фаолияти билан танишди. Унинг асосий вазифалари ва иш йўналишлари ҳақида Туркистон вилояти ҳокими Ўмирзақ Шўкеев гапириб берди.

Лойиҳавий идора асосан 5та йўналиш – инфратузилмани ривожлантириш, одам капитали, тадбиркорлик ва индус­трия, агросаноат мажмуаси ва давлат шўъбаси, давлат хизмати кўрса­тиш, хавф­­сизлик бўйича фаолият юри­тади. Идо­рага келувчилар ана шу йўна­лишлар бўйича ўз лойиҳаларини таклиф қи­ладилар. Самарали лойиҳалар маъна­вий марказни ривожлантиришда қўлла­нилади. Ҳозирги кунда идорада 1300та лойиҳа муҳокама қилинмоқда.

Лойиҳавий идоранинг асосий мақ­сади – қоғозбозликни камайтириш, тад­биркорлик соҳасидаги маъмурий тўсиқ­ларни бартараф қилиш, давлат дас­тур­ларининг амалга оширилишидаги муам­моларни кечиктирмай ҳал этиш. 

Таъкидлаш жоизки, мазкур лойиҳа – Ҳукумат раҳбарининг маҳаллий ижро ор­ганларидаги лойиҳавий бошқарув тизи­мини ташкил қилиш вазифаси дои­расида амалга оширилмоқда.

Шунингдек, агентлик раиси Туркистон вилояти ҳокимлиги ва ҳокимининг, туман ҳокимларининг ижтимоий тармоқдаги саҳифалари билан танишди. Фуқаролар берган саволлар, уларга берилган жа­­воб­ларнинг муддатини кўриб, орадаги ало­қа­га ижобий баҳо берди. Агентлик раиси вилоят ҳокимлиги ижтимоий саҳи­­­­­фаларининг шаффофлигини алоҳи­да таъкидлади.