Туркистонда вилоят ҳокими Ўмирзақ Шўкеев иштирокида минтақани ривожлантиришга бағишланган ёш давлат хизматчиларининг энг яхши лойиҳалари таништирилди. 

Улар қаторида:

I-Shatyr – Яссавий мақбараси атрофида офтобдан ҳимояловчи смарт соябонлар тизимини жойлаштириш ғояси;

EKO-Jai – Байдибек туманида туристлар учун экологик кичик дам олиш уйларини қуриш;

Zhan-Uia – шаҳардаги қариялар ҳамда болалар уйларини эксперимент сифатида бирлаштириб кўриш; 

EthnoVillage – шаҳардаги тарихий майдонларга этноовул қуриш; 

Е-Gov тизимига кўпболали оналарга нафақа беришни қулайлаштириш учун қўшимча функция очиш имконияти; 

«Тоза онг, тоза шаҳар» – Кентов шаҳрида ахлат чиқариш тизимини рақамлаштириш ҳамда аҳолини тозаликка ўргатиш; 

40-50 млн. тенге атрофида маблағ ажратилиши кутилаётган лойиҳалар маҳаллий аҳолининг аҳволини яхшилашга асосланган ижтимоий соҳаларни ҳамда минтақавий бюджетга даромад олиб келувчи туризмни ривожлантиришга йўналтирилган. 

Мазкур лойиҳалар ҚР Президенти қошидаги Давлат бошқарув академиясининг Туркистон вилоят филиалида уч ҳафта давомида кўриб чиқилади.