Давлат раҳбари ўзининг сайловолди концепциясини амалга ошириш борасидаги ҳаракатлар режасини тасдиқлади

Қозоғистон Республикаси Президенти Қасим-Жўмарт Тўқаев “Эзгулик – барчага! Ворисдошлик. Адолат. Тараққиёт” сайловолди дастури ва “Бирга” умуммиллий акцияси доирасида давлат фуқароларидан келиб тушган таклифларни амалга ошириш юзасидан ҳаракатлар режасини тасдиқлаш тўғрисида Фармонга имзо чекди.

Фармон Президентнинг сайловолди дастурида баён қилинган Қозоғистоннинг ижтимоий-иқтисодий ва сиёсий тараққиётига оид барча вазифаларнинг аниқ муддатлари ва масъул давлат органларини кўрсатиб, ўз вақтида ижро этилишини таъминлашга йўналтирилган.

Ҳаракатлар Режасига суд тизимини ислоҳ қилиш, полиция хизматига жамоат назоратини кучайтириш, давлат хизматини такомиллаштириш, квазидавлат шўъбага жамоат назорати ва ҳисоботни кучайтириш, монополистлар томонидан суиистеъмолга йўл қўймаслик, рақобатга тўсиқларни бартараф этиш ва фуқароларга кафолатли ижтимоий қўллов кўрсатишда ягона андазалар белгилаш, уларнинг молиявий манфаатини ҳимоя қилиш ва бошқа бир қатор ҳаракатларни қамраган. 

Режа ижросини назорат қилиш Президент Маъмурияти зиммасига юкланди.