Қасим-Жўмарт Тўқаев “Раҳнамоликнинг 30 йили” мавзуидаги халқаро илмий-тажриба анжуманида иштирок этди.

Давлат раҳбари анжуманда сўзлаган нутқида Нурсултан Назарбаев биринчи раҳбар лавозимида амалга оширган ишларига тўхталди ва унинг бутун Қозоғистон тараққиётига бағишланганини таъкидлади.

– Элбошининг БМТ минбарида туриб билдирган ташаббуслари муҳим аҳамиятга эга ва уларнинг жаҳон ҳамжамияти томонидан қизғин қўллангани юртимиз раҳбарининг доно ва тинчликсеварлиги билан яна бир бор оқилона сиёсатчилигини исботлади, – деди Қ. Тўқаев. 

Қозоғистон Президенти элимизда қабул қилинган дастурлар ва ўткир ижтимоий-иқтисодий масалаларни ҳал қилишга йўналтирилган тараққиёт дастурини амалга ошириш натижаларига тўхталди.

Тадбирда сўзга чиққан Элбоши қозоғистонликларга эзгу ниятларини билдирди. 

– Халқ ва Президент доимо бирга бўлиши шарт. Шундагина муваффақиятга эришамиз. Менинг кекса авлод вакилларига айтарим, сизларнинг донолигингиз ёшларни Ватанни севиш, Мустақилликни ҳимоя қилишга ва ёрқин келажак учун меҳнат қилишга ундайди. Ёшларимизга айтарим, яхши яшашнинг биргина йўли бор – у меҳнат қилиш. Элимизнинг келажак йўлини сизлар белгилайсизлар, – деди Элбоши.