Элчихона, Кечиўрен муниципалитети ҳамда Жанубий Қозоғистон вилояти ҳокимлиги томонидан ташкиллаштирилган “Туркия мамлакатидаги Қозоғистон кунлари” доирасида Жанубий Қозоғистон вилоятининг санъаткорлари концерт дастурларини намойиш этмоқда.

Элбошининг “Келажакка йўлланма: маънавий янгиланиш” мақоласи ва Қозоғистон ҳамда Туркия орасидаги дипломатик муносабатларнинг 25 йиллиги муносабати билан уюштирилган давлатлараро аҳамиятга эга тадбирда Жанубий Қозоғистон вилоятидан 42 делегат иштирок этди.

“Қозоғистон кунлари” доирасида Анқара шаҳрида Жамбил кўчасининг тантанали очилиш маросими, “Келажакка йўлланма: маънавий янгиланиш” номли халқаро илмий-амалий конференция ва Халқаро 8-Рамазон фестивалида “Қозоғистон кечаси” номли концерт дастури намойиш этилди.

Туркиядаги Қозоғистон кечасида анъанавий қўшиқлар ва қозоқ-турк қўшиқларидан попуррилар ижро этилса, “Қазына” рақс дастаси элимиз маданиятини рақс санъати билан кўрсатди.

“Тумар” фольклор дастаси ижро этган қўшиқлар ҳам қўш элнинг байрам дастурига файз бағишлади. Санъаткорлар делегацияси Туркиянинг Анқара, Адана, Мерсин, Истамбул шаҳарларида концерт дастурларини намойиш этади.

Қозоғистон кунларида Анқара шаҳар Кечиўрен муниципалитетининг мэри Мустафа Ак, Жанубий Қозоғистон вилояти, Туркистон шаҳрининг ҳокими Алипбек Ўсербаев, Алмати шаҳар Жамбил туманининг ҳокими Жандарбек Далабаев, академиклар Тўлеген Қўжамқулов, Уалихан Қалижан ва бошқа делегатлар иштирок этдилар.