Туркистон вилояти ҳокими Ўмирзақ Шўкеевнинг фармойишига кўра Қозоғистон Республикаси Президенти Маъмуриятининг розилиги билан Улан Қалмуханули Тажибаев Туркистон вилояти ҳокимининг ўринбосари этиб тайинланди.

Улан Қалмаханули Тажибаев 1977 йил 14 июлда Жанубий Қозоғистон вилоятида туғилган. Олий маълумотли. 2000 йилда Ал-Форобий номидаги Қозоқ давлат Миллий университетининг «Халқаро ҳуқушунослик», 2007 йилда “Парасат” қозоқ кўпсоҳали институтининг “Иқтисодиёт”, Мадрид шаҳридаги “Instituto de Empresa” халқаро бизнес мактабини тамомлаган.

Меҳнат фаолиятини 1996 йилда Астана шаҳридаги “Эльмора” МЧБнинг ҳуқуқшуноси сифатида бошлаган.

2000 йил Астана шаҳридаги Қозоғистон Республикаси ҳуқуқшунослик институтининг ҳуқуқшуноси, “Самруқ Қазина” ҲЖ девони раҳбари, Одам захираларини бошқариш бошқармасининг ижровий директори вазифаларини бажарган.

2018-2019 йилларда “Миллий аграр илмий-таълим маркази” нотижорат ҳиссадорлик жамияти бошқаруви раиси бўлди.

2019 йилнинг март ойидан Туркистон вилояти ҳокимининг маслаҳатчиси сифатида иш юритди.

У. Тажибаев қишлоқ хўжалиги, ер муносабатлари, ердан фойдаланиш ва муҳофаза қилиш давлат назорати, бандлик ва аҳолини ижтимоий муҳофаза қилиш, меҳнат инспекцияси, чегара ва чегара атрофи масалаларини ҳал қилиш, табиий захиралар ва табиатдан фойдаланишни созлаш соҳаларига масъул.