Қозоғистон ва Россия ўртасидаги ХVI мин­­тақалараро ҳамкорлик форумида қат­­­­нашиш учун Омск шаҳрига келган Қасим-Жўмарт Тўқаев Владимир Путин билан учрашди.

Давлат раҳбарлари икки томонлама алоқаларни ривожлантириш истиқ­­­­­бол­лари ва минтақавий даражадаги ўзаро ҳаракатнинг долзарб масала­ларини муҳо­кама қилдилар.

Қасим-Жўмарт Тўқаев меҳмондўстлик учун Владимир Путинга миннатдорчилик бил­дириб, форумнинг самарадорлиги ва му­ҳимлигини таъкидлади.

– 2003 йили Қозоғистоннинг Тўнғич Президенти Нурсултан Назарбаев ва Сиз­нинг шижоатингиз туфайли бу ерда минтақалараро даражадаги илк учрашув ўтди. Бу механизм тўлиқ ишга туширилиб, минтақалар ўзаро яқинлашувининг са­ма­рали қуроли сифатида ўзини исбот­лади. Икки мамлакат ўртасидаги сав­до ҳажмини орттириш жуда муҳим. Биз саноат кооперациясида, қишлоқ хўжа­лиги соҳасидаги ҳамкорликда улкан му­ваффақиятларни қўлга киритдик. Шу­нинг учун кенг қамровли иш бажарилди, деб ўйлайман, – деди ҚР Президенти.

Владимир Путин Россия ва Қозоғис­тонни боғлайдиган анъанавий форумнинг муҳимлигини таъкидлади.

Мамлакатларимиз ўртасидаги муноса­батлар изчил ривожланмоқда. Ўтган йи­ли товар айланмаси 14 фоиздан ошди. Сармоялар ҳажми кенгаймоқда. Биз мун­­тазам учрашиб турибмиз. Шунга қа­­­­ра­май, алоҳида эътибор берадиган ма­­салалар топилади, – деди Россия Пре­­­­­зиденти.

Президентлар ўртасидаги мулоқот сай­ёр мажлисда минтақалар ва вилоят­лар раҳбарлари, соҳавий давлат орган­­­лари ва икки мамлакат тадбиркор гуруҳлари вакиллари иштирокида давом этди.