Ҳар йили июнь ойи­нинг ўрталарида эгнига оқ халатини кийиб, ўз таж­рибаси ва билими би­лан бемор ҳаётини ўнг­лашга, соғлигини тик­лашга шай турадиган олижаноб шифокорлар  шаънига  илиқ ти­лак­лар билдирилади. 

Чунки улар – яшашга нисбатан иштиёқ ва рағ­бат уйғонган бемор чеҳ­­­­­­­­­расидаги мамнунлик ифо­­­­­­­­­­дасини деярли ҳар ку­­­­­­­­­­­­­­­ни кўришади.

Шундай инсонлардан бири – 40 йилдан бери Тўлебий туманининг  Султонработ қишлоғида аҳоли саломатлигини мустаҳкамлашга  ҳисса қўшиб келаётган Нур­муҳаммад Қудашев. У ўз ҳаётини сақлаб қолган кишига яхшилик билан жавоб қайтарсам, ҳеч бўлмаганда, энг самимий истак­ларимни йўлласам, деган ҳам­қишлоқларига бажарган иши хизмати ва инсоний бурчи эка­нини айтиб, гапни бошқа ёққа буриб юборади. 

Нурмуҳаммад Рўзимат ўғли Хонариқ қишлоғида туғилган. 1971 йили Ленгер шаҳридаги тиббиёт билим юртини тугатиб, меҳнат фаолиятини Чордара туманида бошлаган. Тошкентда билимини ошириб, 1987 йили Текесу қиш­лоқ фельдшерлик пунктида мудир, туман касалхонасининг «Тез ёрдам» бўлимида, Таскешу қишлоқ фельдшерлик пунктида ва Султонработ қишлоқ фельд­шерлик пунктида ишлаган. Меҳ­­­нати муносиб баҳоланиб, «Қо­­зоғистон соғликни сақлаш аъло­­чиси» унвони билан тақ­дир­ланган.