ҚР Президенти Қ. Тўқаев Қозоғистонда аккредитацияланган хориж мамлакатлари дипломатик миссияларининг раҳбарлари билан учрашди

Давлат раҳбари учрашувнинг яхши анъанага, иккитомонлама ҳамда кўп қиррали ҳамкорликни ривожлантирадиган муҳим тадбирга айланганини таъкидлади. Қасим-Жўмарт Тўқаев бундай мулоқот мамлакатимизнинг ички ва ташқи сиёсатидаги устувор йўналишларни муҳокама қилишга имкон беришини айтди.

– Биз мамлакатимизда барқарор сиёсий янгиланишни босқичма-босқич амалга оширамиз. Иқтисодий ҳамкорлик ҳамда тараққиёт ташкилотига аъзо етакчи мамлакатларнинг андазаларига кўпроқ амал қиламиз. Ҳукумат ушбу мақсадга эришиш йўлида мардона ва собит қадам ташлайди. «Кучли Президент – таъсирли Парламент – ҳисоб берадиган Ҳукумат» – Қозоғистон давлат тизимининг асосий тамойилидир, – деди Давлат раҳбари.

Президент, шунингдек, «халқни тинглайдиган давлат» концепциясининг амалга оширилиши, Миллий ижтимоий ишонч кенгаши ҳақида айтиб ўтди.