Вилоят ҳокими Ж. Туй­ме­баев раислигида туман ва шаҳар ҳоким­лари ишти­рокида йиғи­лиш ўтди. 

Унда рўйхатга олинмаган ер участ­­­калари ва қишлоқ хўжа­лик ширкатларини қуриш, насия­­лаш­тиришни осонлаштириш ва туманларни тўлиқ интернет тармоғи билан таъминлаш, компьютер саводхонликни ошириш масаласи кўриб чи­қил­­ди. Шунингдек, таълим муас­сасаларини янги, замонавий техника билан таъминлаш ҳамда ЯМТ пайтида болаларни қўллаб-қувватлаб келган ота-оналарга имкони борича шарт-шароитлар яратиб бериш масаласи муҳокама қилинди.

Кенгашда, шунингдек, вилоят ҳокими биринчи бўлиб минтақада ёзги  дам олиш лагерларининг озлигини айтиб, қатор соҳа раҳ­барлари ҳамда туман, шаҳар ҳокимларини танқид остига олди.

– Вилоятда бу йилги 1 ва 10-синф ўқувчиларининг сони 579 мингга яқинни ташкил этмоқда. Бу эса болаларнинг ёзги дам олишини самарали ташкил­лаштириш учун барча талабларга мос келадиган ёзги дам олиш лагерлари билан таъминлашни талаб қилади. Мен ҳар доим болаларнинг соғлиги асосий эътиборда бўлиши кераклигини айтиб келаман. Фақат Тўлебий туманида 52та туристик дам олиш минтақаси бор, лекин лагерлар йўқ. Тулкибош туманида эса 12 лагерь бор, – деди ҳоким.

Ушбу йўналишдаги ишни жонлантириш мақсадида ўзаро боғланиб, оқсаётган соҳалар бўйича тажриба алмашишни ва ёзги дам олиш лагерлари қуришни давлат-хусусий ҳамкорлиги асо­сида йўлга қўйишни туман ва шаҳар ҳоким­ларига топширди. 

Ҳар бир туман, шаҳарни ри­вож­лан­­тириш бўйича кўрсат­ма берган Ж. Туй­мебаев ҳо­­кимларнинг бажарган ишлари тегишлича баҳоланиб, хулоса чиқарилишини айтди, шунингдек, қишлоқ ҳокимларининг хизматга мувофиқлигини аниқлаш учун қайта суҳбатдан ўтказишни ви­лоят ҳокими девони раҳбари  А. Турғимбековга юклади.

Мажлисни хулосалар экан минтақа раҳбари давлат та­сарруфидаги ерларни талон-тарож қилмаслик учун вилоят ҳокимининг ўринбосари Б. Жа­маловга махсус реестр тай­ёрлашни топширди. Шу билан бир қаторда сабзавот ва полиз маҳсулотлари миқдорини экспорт талаби ва эҳтиёжига кўра кўпай­тиришни юклади.