Ўмирзақ Шўкеев Қазиғурт тумани ҳокимининг 2019 йилда амалга оширилган ишлар ҳақидаги ҳисоботини тинглади. 

Туман раҳбари Тўлеген Телғараев ўтган йилги натижалар ҳақида гапириб, жорий йилда амалга ошириладиган режаларни ўртага ташлади. Туманда кичик ва ўрта бизнес бўйича 32та лойиҳа йўлга қўйилиб, “Ёш тадбиркор” лойиҳаси яхши натижа бермоқда. 

“Меҳнат” давлат дастури доирасида 268 нафар шахс 921,5 млн. тенге насия олиб, ўз ишини бошлаган, айни пайтда тадбиркорлик билан шуғулланмоқда. Туман бўйича 154 нафар ногирон муқим иш билан таъминланган. Қазиғуртда туризмни ривожлантириш ишлари йўлга қўйилиб, сайёҳлик иншоотларини таъмирлаш ишлари ҳам олиб борилмоқда, дейилди йиғилиш давомида. 

Бошқармалар раҳбарлари туманда амалга оширилаётган ишлардаги қатор камчиликларни тилга олдилар. Таъкидлаб айтадиган бўлсак, соҳа мутахассислари Қазиғурт туманида ветеринария аҳволининг мақтовга арзимаслигини айтиб, бонг урдилар. Ушбу соҳанинг жорий йилдан бошлаб қишлоқ хўжалиги бошқармаси тасаhруфига ўтиши сабабли бироз туманларнинг камчиликлари юзага чиқди, дейди мутахассислар.

Яхши йўлга қўйилмаган давлат-хусусий ҳамкорлиги соҳаси ҳам танқидга учраб, чорвачиликда бажарилмаган ишлар ҳам назардан четда қолмади.