2020 йилнинг сўнгига қадар “Туркистон” ижтимоий тадбиркорлик корпорацияси” ҲЖ Туркистон шаҳрида 25та уй-жой мажмуаси қурилишини тугатишни режаламоқда. 

“Туркистон” ИТК раҳбарияти ва қурилиш компаниялари вакиллари иштирокида ўтган йиғилишда “Сирдарё” ва “Арман” уй-жой мажмуалари қурилишини ниҳоясига етказиш масалалари муҳокама қилинди. Музокаралар чоғида қурувчиларда уйларни битказиш учун маблағ етишмаслиги муаммо бўлаётгани аниқланди. Учрашув натижаларига кўра икки томон молиялаштириш шартларини белгилаб, аниқ механизмларини маъқуллади.

Сотишга мўлжалланган объектларнинг умумий майдони 58 минг квадрат метр, умумий қиймати тахминан 10 млрд. тенгени ташкил қилади. Янги кичик туманнинг бунёд этилиши 800дан зиёд ёш ва кўп болали оилаларга бу йил бошпанали бўлиш имкониятини беради. 

Эслатиб ўтсак, 2019 йили “Нурли ер” давлат дастури доирасида “Туркистон – янги шаҳар” кичик туманида 6та уйнинг қурилиши тугатилди. 2020 йили эса 25та кўп қаватли уйни битказиш кўзда тутилмоқда.