ҚР Бош вазири Асқар Мамин Ўзбекистон Президенти Ш. Мирзиёев билан учрашди

Тошкент шаҳрида ўтган мулоқот чоғида Бош вазир икки томонлама ҳамкорликнинг юксак суръатларини таъкидлаб ўтди.

Ўзбекистон – Қозоғистоннинг минтақадаги энг муҳим савдо ҳамкори. 2019 йилнинг якуни бўйича иккитомонлама савдо ҳажми 4,1 млрд. тенгега етди. 2020 йилнинг охирига қадар товар айланмасини 5 млрд. тенгега етказиш мўлжалланмоқда. Бугунги кунда Қозоғистон ва Ўзбекистонда 3 мингдан зиёд қўшма корхона фаолият юритади.

Учрашув чоғида савдо-иқтисодий, сармоя, сув-энергетика, транзит, транспорт, қурилиш, қишлоқ хўжалиги, тўқимачилик, машинасозлик, маданий-гуманитар, сайёҳлик, экология ва бошқа соҳалардаги ҳамкорликни янада ривожлантиришга оид кенг қамровли масалалар муҳокама қилинди.

Шунингдек, томонлар Қозоғистон ва Ўзбекистоннинг стратегик шерикчиликни кенгайтириш ва ривожлантиришга бўлган фаол интилиши икки мамлакатнинг Минтақалараро ҳамкорлик форумини ўтказиш тажрибасида акс этганини айтиб ўтишди.