COVID-19 вирусини юқтирган беморлар аниқланган ҳолларда инфекциянинг тарқалишига чек қўйиш учун хавфли ўчоқ қуршовга олинади. Вилоят ҳокими ҳар бир туман раҳбарига 100 одамлик қуршов ўринларини тайёрлашни юклади.

Вилоят ҳокими раҳбарлигида ўтган ҳафталик мажлисда элдаги фавқулодда вазият пайтида бажариладиган ишлар пухталанди. Минтақа раҳбари барча туман ҳокимларига коронавирус инфекциясининг тарқалишига тўсиқ қўйиш тадбирларини кучайтириб, ҳар қандай вазиятга тайёр туришни топширди.

– Кутилмаган ҳолатларга шай бўлишимиз керак. Ҳар бир фуқаронинг саломатлигини инобатга олган ҳолда, улкан жавобгарликни ҳис этиш, 

тайёргарлик ишларига жиддийлик ва қунт билан қараш зарур. Дардга қарши кураш учун керакли барча шароитлар яратилиши лозим, – деди Ўмирзақ Естайули.

Хавфли касалга ўхшаш белгилари бор фуқароларни аниқлаш мақсадида вилоят ҳудудида 240 тўшак-ўринли провизорли госпиталлар тайёрланган. Бундан ташқари, барча туманлар ва шаҳарлардаги юқумли касалликлар бўлимлари тайёр қилиб қўйилган.  Беморлар алоқада бўлганларни ажратиш учун вилоят ҳудудида 505 ўринли обсервация маркази очилган. Унда 300дан зиёд тиббиёт ходими хизмат кўрсатади.

Изоляция шифохоналари зарур дори-дармонлар ва ўпкани сунъий шамоллатиш қурилмалари билан тўлиқ таъминланган. Блок-постларда тиббиёт ходимлари керакли асбоб-ускуналар билан таъминланиб, қўшимча буюртмалар берилган. Барча тиббиёт муассасаларидаги тиббий ходимлар коронавируснинг клиникаси, даволаш ҳамда ташҳис бўйича мунтазам тайёргарликдан  ўтказилмоқда.