Шимкентнинг “Ўрдабаси” жамоаси бу йил ҳам Европа лигаси саралаш босқичида иштирок этади. “Ўрдабаси”нинг дастлабки рақиби “Широки Бриег” жамоаси. Ушбу жамоалар ўртасидаги дастлабки ўйин 29 июнь куни Босния ва Герцоговинада ўтади. “Широки Бриег” жамоасининг сўнгги ўйинларини инобатга олсак, “Ўрдабаси”нинг кейинги босқичга чиқиш имкониятлари юқори. 

Сабаби, бу йил шимкентлик жамоа таркибига бир қанча кучли легионер футболчилар қўшилган. Жумладан: Фонтанелло, Никита Бочаров, Преслав Йордановлар бу йил жуда яхши ўйин кўрсатмоқда. 

Қолаверса, бу йил “Ўрдабаси” ички би­ринчиликни жуда яхши бошлади, ай­­ни пайтда шимкентликлар турнир жадвалида “Астана”, “Қайрат”дан сўнг учинчи ўринда бормоқда. Ҳожимуқон номидаги стадионда ёритиш мосла­маларининг ишламаслиги ва майдоннинг Европа андазаларига жавоб бермаслиги сабабли жавоб учрашуви Алматидаги марказий стадионда ўтади. 

Агар ҳамюртларимиз биринчи босқич­дан ўта олса, навбатдаги учрашув Шотландиянинг “Абердин” жамоаси билан бўлади. 

“Ўрдабаси” футболчилари аввал ҳам бу жамоа билан тўқнаш келган ва жуда оғир кечган учрашувда 2-3 ҳисобида устун келган эди. Умид қиламизки, жамоамиз ушбу босқичда яхши қатнашиб, Европа лигаси гуруҳ босқичига йўлланма олади.