Қозоғистон халқи Ассамблеясининг ташаббуси билан “Отырар” кутубхонасида ижтимоий онгни янгилашга бағишланган учрашув ўтди. 

Унда М. Қулбаев, Е. Раушанов, 

Ж. Қўрғасбек, А. Алимули каби таниқли ижодкорлар ва вилоят ассамблеяси қошидаги тузилмалар раҳбарлари, этномаданият бирлашмалари раислари, зиёлилар, “Дўстлик” клубининг аъзолари, китобхонлар ва ОАВ вакиллари иштирок этдилар.

Элбоши мақоласида белгиланган вазифалар ва уларни амалга татбиқ этишнинг бориши муҳокама қилинган йиғилишда ижтимоий онгни янгилаш масалаларига кенг ўрин берилди. Унда ижодкорлар эскилик сарқитларидан, энг аввало, жанубнинг тозаланиши кераклигига алоҳида тўхталдилар. Жануб – миллатнинг ивитқиси, барака-бирликнинг қайнар булоғи бўлиб қолиши зарурлигини таъкидлаган меҳмонлар замонавийлашувнинг яхши томонлари шу ердан бошланиши қонунийлигини айтишди.

Учрашувни ЖҚВ ҚХА раҳбарининг ўринбосари М. Қалмуратов якунлаб, Элбоши мақоласида белгиланган эзгу ишлар, тадбирлар дастур доирасида амалга оширилишини ҳам айтиб ўтди.

Вилоят ҳокимининг ўринбосари У. Садибеков қабулидан сўнг ижодкорлар “Қазақстан-Шимкент” телеканалининг “Ортақ шаңырақ” теледастурида меҳмон бўлиб, тушдан кейин Сўзоқ туманига жўнаб кетдилар.