Туркистон шаҳрида ҚР Президенти Қасим-Жўмарт Тўқаев Фармонига мувофиқ, махсус йиғинга чақирилган ҳарбий бурчлилар фаолияти якунига етди. Ёдингизда бўлса, ушбу тадбирда вилоят ҳокимининг ўринбосари Сакен Қалқаманов ҳам иштирок этган эди.

Қийин пайтда, халқ билан бирга эканликларини кўрсатган ҳарбийлар блок-постларда тартибни кучайтириб, зарарсизлантириш ишларига ёрдам беришди. Шаҳар полиция вакиллари билан бирга кичик туманларда соқчилар хизматини бажаришди.

Йиғин тугаши муносабати билан вилоят ҳокимининг ўринбосари Сакен Қалқаманов ҳарбийларни табриклаб, вилоят раҳбарининг ташаккурномаларини топширди.

Шунингдек, С. Қалқаманов бир қатор ҳарбийларга ҚР Мудофаа вазири, генерал-лейтенант Н. Ермекбаевнинг махсус ташаккурномаси, Жанубий минтақа қўмондонлиги аскарларининг қўмондони, генерал-майор К. Қарақуловнинг мақтов қоғозларини топширди.

Туркистон вилояти бўйича 230 мажбурий ҳарбий рўйхатга олиниб, улардан 50 нафари Туркистон шаҳрига сафарбар этилган эди. Уларга доимий ишдаги маоши тўлаб турилди. Ишсиз сифатида рўйхатга олинганлар эса 42 500 тенгедан  ойлик олишди.