Қозоғистон ва Ўзбекистон касаба уюшмалари федерацияси мақтааралликларга 66 миллион тенгелик хайрия ёрдами кўрсатди.

Мақтаарал туманига Туркистон вилояти ҳокимининг ўринбосари Сакен Қалқаманов, ҚР Касаба уюшмалар федерациясининг раиси Сатибалди Даулеталин ҳамда Ўзбекистон Республикаси Жиззах вилояти касаба уюшмалар идорасининг раиси Нусуратулла Пардаев борди.

Икки томоннинг келишуви билан Қозоғистон Республикаси Касаба уюшмалар федерацияси (ҚРКФ) ҳамда Ўзбекистон Касаба уюшмалар федерацияси (ЎКФ) томонидан май ойининг бошида Ўзбекистондаги Сардоба сув омборининг бузилиши оқибатида тошқиндан зарар кўрган аҳоли манзиллари фуқароларига хайрия кўмаги кўрсатилди.

Қозоғистон ҳамда Ўзбекистон делегацияси Ўргебас ва Фирдавсий овулларига бориб, сув офати оқибатларини бартараф этиш бўйича амалга оширилган ишлар ҳамда Дўстиқ, Женис, Жанатурмис аҳоли манзилларидаги сув тошқини туфайли бошпанасиз қолган фуқаролар учун қурилаётган уйларни кўришди.

Шунингдек, икки элнинг касаба уюшма раислари Мирзакентда маҳаллий аҳоли ҳамда сув тошқинидан зарар кўрган аҳоли манзилларидаги мактаб раҳбарлари билан ҳам учрашди.

ҚР КФ раҳбари Аманжўлов, Мусирепов, Фирдавсий номли ўрта мактаблар ва Нурли йўл аҳоли манзилидаги таълим масканларига 25та ноутбук, 25та парта ва 50та стул, 2та принтер ва биттадан мультимедиявий тахта топширилди.

Сув тошқинидан зарар кўрган аҳоли манзилларининг 100 нафар фуқаросига ҚР КФга қарашли “Меркі”, ”Көктем”, ”Манкент”, “Жанақорған”, ”Щучинск” санаторийларига йўлланма берилди.

Офатдан азият чеккан туман ўқитувчиларига республика таълим ва фан ходимлари соҳавий касаба уюшмаси томонидан ҳам катта қўлловга эга бўлишди.365та таълим соҳаси касаба уюшма аъзосига моддий ёрдам сифатида 35 минг тенгедан берилди. ҚР Касаба уюшмалар федерациясининг аъзолик уюшмалари 50 млн. тенгелик ёрдам кўрсатди.

Ўзбекистон Республикаси касаба уюшмалари умумий қиймати 16 миллион тенгелик гуманитар ёрдам олиб келишди. Яъни, дастлабки эҳтиёж буюмлари, қурилиш материаллари, тўшак-ўрин ва озиқ-овқат ҳам бор.