Туркистон вилояти ҳокими Ў. Шўкеев хизмат сафари билан Кентов шаҳрига борди.

– Кентовни яшил шаҳарга айлантириш керак. Бу ерда кўкаламзорлаштириш тадбирларини кучайтириб, шаҳарликлар ҳордиқ чиқарадиган ўринларни кўпайтириш керак, – деди минтақа раҳбари. 

Сўнг кончилар шаҳридаги ободонлаштириш ва кўкаламзорлаштириш тадбирлари билан танишиб, шаҳар раҳбариятига қатор аниқ топшириқлар берди. 

Шунингдек, ҳоким шаҳардаги 132та кўпқаватли уйларда олиб борилаётган таъмирлаш ишларини кўздан кечирди. 

Шаҳар  ҳокими Даурен Мақажанов вилоят раҳбарига   “Кентов шаҳрини 2019-2022 йилларда мажмуавий ривожлантириш” ва фавқулодда вазиятларнинг олдини олиш борасида  маълумот берди. Шу билан бирга, давлат-хусусий ҳамкорлиги доирасида Кентов шаҳрининг мажмуавий тараққиёт режаси билан  таништирди. Шаҳарда амалга оширилаётган ишлар ва режалар билан танишган ҳоким лойиҳаларни қўллаб-қувватлашини маълум қилди. 

– Кентов Туркистон вилоятининг марказига чегарадош бўлганлиги боис, Туркистон билан ҳамоҳанг гуллаб-яшнайдиган шаҳар. Шу боис ҳар қандай иш сифатли ва тизимли бажарилиши керак, – деди Ў. Шўкеев.