Вилоятимизнинг бир гуруҳ журналистлари тажриба алмашиш мақсадида медиа соҳаси ривожланган Туркиянинг Истамбул шаҳрига боришди.

Жанубийқозоғистонлик делегатлар, аввало, дунёдаги энг йирик ахборот тарқатадиган марказларнинг бири ҳисобланган “Анадўли” агентлигининг фаолияти билан яқиндан танишишди. Учрашувда икки қардош давлатнинг ҳамкорлик алоқалари, замонавий оммавий ахборот воситаларининг тараққиёт жараёни муҳокама этилди. “Анадўли” агентлигининг Истамбул шаҳридаги мувофиқлаштирувчиси Йилмаз Яман вилоятимиздан борган журналистлар илиқ қабул қилингани, бизнинг республика билан алоқани янада ривожлантиришдан манфаатдор эканликларини маълум қилди.

Бир асрга яқин тарихга эга марказ 

дун­ё­нинг 85 мамлакатига 11 тилда ахборот тарқатади. Уларнинг хизмати Туркиядаги янгиликлар дастурининг 63 фоизини ташкил қилади. Кунига ўрта ҳисобда 1200 янгилик тарқатадиган агентликда 2300га яқин ходим фаолият юритади. 39 давлатда ўз идорасига эга “Анадўли” ахборот агентлиги Қозоғистонда ҳам бўлим очишни кўзлаган.

Хизмат сафари бир ҳафта давом этадиган Жануб журналистлари Истамбул шаҳридаги Қозоғистон Республикасининг Бош консули билан учрашиб, тарихий-маданий жойларни томоша қилдилар.

Айтиш жоизки, вилоятимиздан борган ОАВ вакилларининг хизмат сафарини Қозоғистон Республикасининг Туркиядаги элчилиги ва Истамбул шаҳридаги ваколатли идораси уюштирган.

28 июнь – Алоқа ва ахборот ходимлари куни байрами муносабати билан Жанубий Қозоғистон вилояти ҳокими 

Ж. Туймебаев тажриба алмашиш мақсадида минтақамиздаги 20 нафар бош муҳаррир ва махсус мухбирларга йўлланмалар тақдим этган эди.