Астана шаҳрида Элбоши раислигида Хавфсизлик кенгашининг йиғилиши ўтди. Унда кибермакон хавфсизлигини таъминлаш ва терроризмнинг олдини олишнинг долзарб масалалари муҳокама қилинди. 

Қозоғистон Президенти замонавий дунёда рақамли технологияларнинг аҳамияти юксаклигини таъкидлаган ҳолда, киберхатарлар ва ахборий технологиялардан ноқонуний фойдаланишга қарши курашиш зарурлигига эътибор қаратди. 

– Инсон ва давлат ҳаётининг барча жабҳаларида ахборий алоқа воситалари мавжуд. Шунинг учун ҳам мен “Қозоғистоннинг учинчи замонавийлашуви – дунёвий рақобатбардошлик” Мактубимда рақамли технологияларни ривожлантириш мақсадини қўйдим. Бу нарса фойда келтиради ва айни вақтда киберхуружлар юз бериши эҳтимолини келтириб чиқаради. Шунинг учун ҳам Қозоғистон бу хатарни бартараф этишга ҳозир туриши керак, – деди  Нурсултан Назарбаев.

Давлат раҳбари мамлакатимиз ва жаҳондаги террорчи гуруҳларнинг бузғунчилик фаолияти оқибатларига ҳам тўхталди. Уларга қарши самарали курашни ташкил этиш зарурлигига эътибор қаратди. 

Йиғилиш сўнгида Президент қатор аниқ топшириқлар берди.