Шардара туманида мини футбол, пляж волейболи ҳамда арқон тортиш спорт турлари бўйича “Оммавий спорт – ёшлар учун” турнири ўтди.

Унда вилоятимизнинг барча туман, шаҳарларидан 16-20 ёш оралиғидаги спортчилар иштирок этди. 

Мусобақанинг очилиш маросимида туман ҳокими ўринбосари Қайрат Жўлдибай иштирокчиларни табриклаб, уларга омад тилади. 

Шуни ҳам таъкидлаш жоизки, мазкур мусобақа ғолибларини тақдирлаш учун жами 1 млн. тенге ажратилди.. 

Мини футболдан 3 ўринни эгаллаган “Қазиғурт” жамоасига махсус диплом ва 25 минг тенге мукофот пули топширилди. 2-ўринни “Кентов” жамоаси эгаллаб, диплом ва 50 минг тенге мукофот пули олишди. 1-ўринни эгаллаган “Мақтарал” жамоасига 70 минг тенге мукофот пули топширилса, олий соврин 100 минг тенге мукофот пули "Шардара" жамоасига топширилди. Арқон тортиш бўйича 3-ўрин Тулкибош, 2-ўрин Қазиғурт, 1-ўрин Мақтарал, бош соврин Шардара туманига насиб этди. Пляж волейболида 3-ўрин Сўзоқ тумани, 2-ўрин Шимкент шаҳри, 1-ўрин Кентов, олий соврин эса Шардара туманига насиб этди.