Вилоят ҳокимлиги ва Туркиянинг “DOGUS” Cons­traction компанияси ўрта­сида Ўгам дарёси су­ви­ни буриш мақсадида ҳамкорлик меморандуми тузилди. Энди ушбу хориж компанияси шу ваъдага мувофиқ концепция тайёр­ламоқда.

Бу иш 2018 йилнинг янва­ригача якунланиб, сўнг  лойи­ҳанинг техник иқтисодий асос­номаси ва лойиҳа-смета ҳуж­жатларини ҳозирлаш ишла­ри  бошланади.

Турк компанияси вакиллари вилоят ҳокими Жансейит Туй­мебаевга корхонани та­ништиргач, “DOGUS” Cons­tra­­­ction компаниясининг Қозо­ғистондаги вакили Юнус Эмре Суджу ва вилоят ҳокимининг биринчи ўринбосари Дархан Сатибалди ўртасида  ҳужжат имзоланди. 

Вилоят энергетика ҳамда уй-жой коммунал хўжа­ли­ги бошқармаси му­­та­хас­сисларининг маълумотига кў­ра, лойиҳа амалга ошса, Ўгам ўзанида гидротехника иншооти  қурилиб, ундан  Сариоғоч, Мақтаарал ҳамда Қазиғурт туманларига се­­­­­­­­­кундига 3-3,5 кубометр сув тортилади. Шун­дан сўнг, ётқизилган новлар бўйида кичик сув электр станциялари қурилиб, 51,7 МВт электр қуввати олиш режаланмоқда.

Шунингдек, ушбу лойиҳа амалга ошса, Қазиғурт, Са­ри­­­­­­­­­­­­­оғоч ҳамда Мақтаарал ту­манларининг 400га яқин аҳоли манзилидаги 700 мингдан зиёд фуқаро ичимли сув билан таъминланиб, бу  масала ҳам тўлиқ  ҳал эти­лади.

Ёдигингизда бўлса, Ўгам   қўш­ни Ўзбекистон ҳудудидан бошланиб, трансчегаравий дарёлар қаторига кирганлиги сабабли, шу йилнинг фев­раль ойида Қозоғистон ва Ўзбекистон Республикалари Ҳукуматларининг  қўшма ишчи гуруҳи учрашган эди. 

Унда икки давлат вакиллари икки томонлама ҳамкорликка эришиб,  Ўгам  дарёси сувини вилоятимиз ҳудудига буришга  келишиб олган эдилар.