Сизларни Қозоғистон Республикаси Конституцияси куни билан чин юракдан табриклаймиз!

Дунёдаги энг ривожланган мамлакатларнинг илғор қонунлари асосида қабул қилинган мамлакатимиз асосий ҳуқуқий ҳужжатининг ҳар бир моддаси қадимдан эркинликни орзу қилган элимиз учун жуда бебаҳодир. Конституциямизда демократик тамойилларга мувофиқ ҳокимлик тармоқлари ва давлат институтлари аниқланиб, инсон ва унинг ҳаёти, ҳуқуқлари ва эркинликлари давлатимизнинг энг қимматбаҳо хазинаси деб таъкидланган.

Тарих зарварақларига битилган 22 йилда Бош Қомусимиз давлатимизни улкан ютуқларга етаклаб, жаҳон ҳамжамиятининг обрўли аъзосига айлантирди. Биз шу вақт оралиғида Конституциямизда белгиланган меъёрларни қадрлаб, ундаги барча моддаларнинг талабларини сақлаб, уни ҳурматлай билдик.

Давлат раҳбари: “Ҳар бир қозоғистонлик Конституциянинг давлат ва жамоат учунгина эмас, шу билан бирга шахсан ўзи, оиласи ва фарзандлари учун ҳам муҳимлигини баҳолай билиши, Конституциянинг мажбуриятларини англаб, унга риоя қилиб, бажариши муҳим”, деган эди.

Бугунги кунда ушбу моҳиятли сўзларнинг салмоғига амин бўлиб келамиз.

Халқаро даражадаги таниқли таҳлилчилар элимизнинг бугунги муваффақиятини демократик жамиятга қўйиладиган асосий талабларга мос келадиган Бош Қонунимиз билан тўғри йўлни танлаган Элбошимизнинг меҳнати деб баҳолайди.

Улусимиз қаймоғи ҳисобланган жануб минтақаси фуқаролари ҳам тараққиёт тамойилларига асосланган қонуннинг келажагига комил ишонч билан қарайди.

Ривожланган 30 мамлакатнинг қаторига киришни мақсад қилган Қозоғистоннинг ҳар бир йили самарали, фаровонлик манбаи бўлиб келади. Энг муҳими, барқарорликни улуғ мақсад тутган, асосий қадриятларни ҳурматлаган, бирлиги мустаҳкам эл шаклланди.

Қадрли ҳамюртлар!

Сизларни элимизнинг демократиявий йўналишини кўзлаган, энг тўғри йўлни танлашда темир қозиқ бўлган Конституция куни билан табриклаб, барчангизга мустаҳкам соғлик, улкан муваффақиятлар ва қут-барака тилаймиз!