Жорий йили армрестлинг – қўл жанги бўйича олти қитъага донғи кетган “Шардара Армспорт” спорт клуби 26 ёшга тўлди. Терма жамоа дастлаб 2001 йил 9 февралда қўл жанги бўйича вилоят чемпионатида иштирок этди. Бугунги кунда клубда 500дан зиёд спортчи мунтазам равишда машғулот ўтказмоқда. Клуб спортчилари жаҳоннинг 30дан зиёд мамлакатларида бўлиб, деярли барчасида ғалаба билан қайтишган.

Айни пайтда клубда қўл жанги бўйича 107 нафар – жаҳон чемпиони, 106 нафар – жаҳон чемпионати ғолиби, 31 нафар – жаҳон кубоги ғолиби, 327 нафар Осиё чемпиони, 75 нафар Осиё кубоги ғолиби, 500 нафар – мамлакат чемпиони чиққан. Шунингдек, 85 нафар Халқаро турнирлар ғолиби, 75 нафар ҚР Халқаро тоифадаги спорт устаси ва 130 нафар ҚР спорт устаси бор. Клубда 35 мураббий фаолият юритмоқда.

Клубда қўл жангидан ташқари тош кўтариш, дзюдо, оғир атлетика, каратэ, ошиқ отиш, найза улоқтириш, ўқ отиш, таэквондо, бокс, пауэрлифтинг каби қатор спорт тўгараклари мавжуд. Унда 8 ёшдан бошлаб ҳар ким бепул шуғулланиши мумкин.