Вилоятимизда аҳолини уй-жой билан таъминлаш бўйича тизимли ишлар олиб борилмоқда. Ўтган йили 900 минг квадрат метрга яқин уй-жой фойдаланишга топширилиб, 3 мингга яқин оила бошпанали бўлди. Шунингдек, 55та уй-жой биноси ҳам тубдан таъмирланди. Бу масалани вилоят ҳокими Дархан Сатибалди қатъий назоратга олган. 

Вилоят ҳокимининг навбатдаги девон мажлисида ижарага бериладиган уй-жой қурилиши муҳокама қилинди. Унда туман ва шаҳар ҳокимлари ҳамда мутасадди идоралар раҳбарлари иштирок этди. Вилоят раҳбари уй-жой қурилишида қатъий интизом ва тизим бўлиши зарурлигини таъкидлади.

– Уй-жой соҳаси аҳолимиз учун долзарб масала эканлигини биласизлар. Шу сабабли ушбу йўналишдаги ишларни масъулият билан бажариш керак. Биноларни барпо этиш жараёнида ҳар бир туман, шаҳар аҳолиси ва ер хусусиятлари инобатга олиниши керак. Кўп қаватли уйларни бир ҳудудда қуриш керак. Уйларнинг меъморий қиёфаси ҳам бир хил бўлиши керак, – деди Дархан Сатибалди.

Бугунги кунга қадар республикада 650 мингга яқин киши, Туркистон вилоятида 60 мингдан зиёд киши уй-жой навбатида турибди. Вилоят қурилиш бошқармаси раҳбари Тўхтар Усубалиевнинг сўзларига кўра, мамлакатимизда ижарага бериладиган уйларни харид қилиш дастаги ишлаб чиқилиб, тегишли режалар белгиланган.