Вилоят ҳокими Ў. Шўкеев янгидан ташкил қилинган Туркистон шаҳар мусиқа-драма театрининг ижодий жамоаси билан учрашди. Туркистон шаҳрида қад ростлаган янги театрда Азамат Сатибалди, Хамит Шанғалиев, Данияр Базарқулов, Асем Шарифуллина, Айгерим Бўзшина каби элимизга таниқли санъат юлдузлари фаолият юритмоқда.

1 февралдан бошлаб кастинг эълон қилиниб, янги театрнинг артистлар гуруҳи шакллантирилади. Туркистон шаҳар мусиқа-драма театри саҳна дарғаларини ўзида жамлаган муборак даргоҳга айланажак.

Унинг ижодий жамоаси янги даргоҳдаги техник имкониятлардан фойдаланиб, томошабинга ажойиб асарларни тақдим этади.

Театрнинг илк асари тақдимоти жорий йил кўкламда Туркистон шаҳрида ўтадиган Туркийзабон мамлакатлар саммитида намойиш этилади. Ўмирзақ Естайули кўҳна Туркистон шаҳрига келиб, қозоқ театри санъатига ҳисса қўшаётган дарғалар фаолиятига муваффақиятлар тилади. 

Таъкидлаш жоиз, Райимбек Сейтметов номидаги вилоят мусиқа-драма театрининг биноси бу йил тубдан таъмирланади. Театр ётоқхонаси ҳам шаҳар бюджети ҳисобидан янгиланади. 20 йиллик тарихга эга ушбу даргоҳда 132 нафар маданият ходимлари ва санъат арбоби фаолият юритмоқда. 1938 йили қурилган тарихий иморат даставвал темир йўл муассасасининг киноклуби бўлган. Реконструкция қилиниб, 2000 йили театрга берилган эди.