ҚР Парламенти Сенати Раиси Тошкентдаги Тўле бий мақбарасини зиёрат қилди

Биз буюк бобокалонимиз Тўле бийнинг ҳаёти ва ўгитларига алоҳида эътибор қаратишимиз керак. Бу ҳақда Қозоғистон Парламенти Сенатининг раиси Маулен Ашимбаев Faсebookдаги саҳифасида ёзди.

«Кеча, муборак жума куни, Ўзбекистонга ташрифимиз чоғида бобокалонимиз Тўле бий мақбарасини зиёрат қилдик. Тошкентнинг марказидаги ушбу мажмуа шаҳарнинг диққатга сазовор жойларидан биридир. Шунинг учун Марказий Осиёдан, жумладан Қозоғистон ва бошқа мамлакатлардан сайёҳлар жуда кўп. Тўле бий қозоқ халқининг тарихида алоҳида ўрин тутади. Айниқса, хонлик даврида у давлат жамоат ишларида ва муҳим қарорлар чиқаришда фаол иштирок этган. Уруш пайтида у халқнинг бирлиги ва мамлакат яхлитлигини сақлашга улкан ҳисса қўшди. Анъанавий урф-одатларимиз ва қонунларимиз тўплами – «Етти Низом»нинг ёзилиши ва қабул қилинишига ҳисса қўшгани тарихдан маълум. Абилайханнинг мамлакат ҳукмдори сифатида шаклланишида Тўле бий алоҳида рол ўйнаганлигини биламиз. Зеҳн-заковати билан адолатли қарорлар чиқариб, улкан можароларнинг олдини олган бобокалонимизнинг ўгит ва насиҳатлари бугунги кунда халқимиз учун маёқ эканига шубҳа йўқ», деб ёзган Сенат Спикери.