Қозоғистон Прези­ден­­­­ти ҚР Таълим ва фан ва­зири Асхат Айма­­­ғамбе­товни қабул қилди.
Қасим-Жўмарт Тўқаевга таълим ва фанни ривожлантиришга доир вазифаларнинг ижроси ва янги ўқув йилига тайёргарлик борасида ахборот берилди.
Президентга анъанавий таълим шаклига қайтиш юзасидан кўрилган ташкилий чоралар ҳақида ҳам атрофлича маълумот берилди.
Миллий жамоат кенгаши йиғилишларида берилган топшириқларнинг 43 фоизи таълим ва фан тараққиётига бағишланган. «Китобхон мактаб» лойиҳаси доирасида мактаб кутубхоналари фаолиятини қайта қуриш, улардаги бадиий ва болалар адабиётларини муттасил янгилаб туриш борасида кенг қамровли ишлар олиб борилмоқда.
Асхат Аймағамбетов Давлат раҳбарига Президентнинг сифатсиз таълим бераётган университетларни ёпиш тўғрисидаги кўрсатмаларининг ижроси ҳақида ахборот берди. Давлат раҳбари вазирга ушбу йўналишдаги ишларни кучайтиришни топширди.
Қасим-Жўмарт Тўқаев давлат университетлари ходимларининг иш ҳақини жорий йилнинг 1 сентябридан бошлаб ошириш муҳимлигини таъкидлади.
Шунингдек, Президент вазирга талабалар ўртасида ўтказилган Халқаро олимпиадалар ғолибларини рағбатлантириш юзасидан чора-тадбирларни ишлаб чиқишни топширди.