Хитойда ишлаб чиқарилган “Vero Cell” вакцинасининг 52 минг дозаси Туркистон вилоятига етказилди.
Вакцинани барча шифохоналар ва эмлаш пунктларида қабул қилиш мумкин. Янги вакцинани сақлашнинг ҳарорат тартиби QazVac вакцинасига ўхшаш. Энди вилоят аҳли Россиянинг “Спутник V”, ватанимизнинг QazVac, Sinopharm компаниясининг HayatVax, Хитойнинг CoronaVac ва Sinopharm компаниясининг Vero Cell вакцинасини қабул қила олади.
Жами минтақага Covid-19 хасталигига қарши вакцинанинг 136460 дозаси етказилди. Унинг 1-компоненти билан 686742 нафар киши (96 фоиз), 2-компоненти билан 531942 киши (80 фоизи) эмланган.
Сўнгги кунларда коронавирус хасталигининг 139 ҳолати рўйхатга олинди. Бир кеча-кундуздаги ўсиш 1,18 фоизни ташкил этади. Касаллик бошланганидан ковиднинг 11 898 ҳолати аниқланди. Айтиш жоиз, вилоятдаги муассасаларда 8 кислород станцияси, 400 сунъий нафас олиш ускунаси, мингдан зиёд кислород ускуналари мавжуд. Шунингдек, 2 ойга етадиган дори-дармон жамғармаси ташкил этилди, 40дан зиёд дори омбори ва 800га яқин дорихона бор.