2021 йилда Туркистон шаҳридаги 37та иншоот қурилиши ниҳоясига етиб, фойдаланишга топширилди. Вилоят ҳокими Ў. Шўкеевнинг топшириғига биноан шаҳар ҳокими Н. Турашбековнинг назорати асосида қурилиш сифати, пудратчи ташкилотлар фаолияти қатъий назорат остига олинган.

Қурилиш жараёнида камчилик ва қоида бузган 6 пудратчи устидан даъво аризаси берилди. Суд қарорига кўра улар маъмурий жазога тортилди.
23та уй-жой қурилиши қатъий назорат остида. Инфратузилма ва коммуникациялар бўлими томонидан уларда аниқланган камчиликлар бартараф этилмоқда.
Умуман олганда, Туркистон шаҳрида кўп қаватли уйлар билан бир қаторда, бир неча  йирик лойиҳалар қурилиши ҳам амалга оширилмоқда.
Ўтган йили “Ғарбий Европа – Ғарбий Хитой” автойўлида 6,5 чақирим йўл асфальтланиб, пиёдалар йўлаги ва велойўл барпо этилди. Қатор кўчаларнинг асфальт қатлами янгиланди.
2021 йилда А. Жангелдин, И. Қўжабаев кўчаларини янгилаш, Қазибек бий ва Жарилқапов кўчалари орасида йўл қуриш, Бирлик аҳоли манзилидан Арнасай ва Алғабас кўчалари кесишган жойда автомобиль кўпригини қуриш режаланмоқда.