Арис шаҳрининг ҳокими Гулжан Қурманбекова 50 ўринли “Danis” тузатиш-ривожлантириш маркази очилишида иштирок этди. Шаҳарликлар, жумладан, имконияти чекланган болалар ва уларнинг ота-оналари янги марказдаги шароитлар билан яқиндан танишдилар.

Бу масканда тилида нуқсони ва кар бўлган, шунингдек, ақл-ҳушида камчилиги мавжуд ҳамда умумий ривожланиши суст, махсус мутахассислар ёрдамига муҳтож болаларни ривожлантириш учун барча шароитлар яратилган.

– Жорий йилни давлат раҳбари Қ. Тўқаев “Болалар йили” деб эълон қилди. Шу муносабат билан шаҳримизда имконияти чекланган болалар учун марказ очилди. Нафақат болакайлар, шунингдек, ота-оналар учун ҳам унинг аҳамияти улкан. Ўғил-қизларимизни соғломлаштириш орқали биз уларни сафимизга қўшишимизга ишонаман, – дея шаҳар ҳокими шаҳардаги оилавий-ижтимоий масалаларни ижобий ҳал этишда жонбозлик кўрсатаётган марказ раҳбарлари ва ходимларига миннатдорчилик билдирди. 

Болалар марказини тадбиркор Гулбахрам Еримбетова барпо этди. Бу жойда фаолият юритаётган 13 одам Арис шаҳар бандлик ва ижтимоий дастурлар бўлими орқали ишга жойлаштирилди. Таъкидлаш жоиз, марказнинг даволаш ва соғломлаштириш йўналишидаги таълим-тарбия машғулотлари болаларни жисмоний жиҳатдан ўз-ўзини ривожлантириши ҳамда билим кўникмаларини олиши учун тўлиқ имкон беради.