Шимкент шаҳридаги маъмурий-тадбиркорлик мар­казида замонавий андазаларга мос янги 1200 ўринли мак­таб фойдаланишга топширилди.

130-сонли умумий ўр­та мактабнинг очилиш тад­бирида иштирок этган Жану­бий Қозоғистон вилояти ҳо­кими Жансейит Туймебаев элимиз Мустақиллиги бай­рами арафасида эшик оч­ган илм маскани янги та­шаббусларга бой эканини таъкидлади.

– Таълим даражасини ошириш учун мактабнинг аҳ­воли яхши бўлиши керак. Бу ана шундай тамойил асосида қурилган маскан. Болаларга соғлом турмуш тарзини синг­дириш учун бу ерда барча шароитлар яратилган. 3та спорт зали ва тикувчилик, ёғоч устахоналари мавжуд. Яъни, бу ерда таълим олган ўқувчи ҳунар эгаси бўлиб етишади. Бу ишларнинг барчаси Элбошимизнинг оқи­лона сиёсати натижаси, – деди минтақа раҳбари.

“Нурли йўл” дастури дои­расида очилган таълим мас­канида ўқувчиларга мўл­жалланган 61та синфхона ҳамда янги намунадаги био­логия, физика, химия, ин­форматика, мультимедия-лингофонли кабинетлар, ку­­­­­тубхона, ошхона, маж­лис­лар, спорт заллари ҳамда спорт майдони, қизлар ва ўғил болаларга мўлжалланган ус­тахоналар бор.

Жами, Жанубий Қозоғистон вилояти бўйича таълим со­ҳа­сида жорий йили 82та ин­шоотнинг қурилишига 29,8 млрд. тенге миқдорида маб­лағ ажратилиб, қурилиш юри­тилмоқда. Жорий йили 32та иншоотни фойдаланишга топшириш режаланган. Бу­гунги кунгача 28та мактаб очилган бўлса, йил сўнггигача қолган таълим муассасалари эл эзгулигига берилади.