Сайрам туманининг Қорабулоқ қишлоғида ҳам Янги йил байрами зўр тантана билан нишонланди. Қишлоқ марказидаги 10 метрли арча атрофида йиғилган қишлоқ аҳлини табриклаш учун Қозоғистон Парламенти Мажлиси депутати Фахриддин Қоратоев, Сайрам тумани ҳокими Бақтияр Мамаев, Сайрам туман маслаҳати депутатлари ва бошқалар келдилар.  

Янгидан иш бошлаган Улуғбек Боялиев раҳбарлигидаги 4-сонли мактаб-гимназия устозлари ва ўқувчилари тайёрлаган байрам дастури йиғилганларда катта таассурот қолдирди. 

Томошабинлар тадбирни уюштирган Қорабулоқ қишлоғи ҳокимлигига, санъаткорлар ва ҳомийларга ташаккурлар айтдилар. 

***

Абдуғофур Абдуқодиров ҳокимлик қилаётган Қорабулоқ қишлоғида Янги йил дастурхони тўкис бўлиши учун 800га яқин хонадонга совға-саломлар тарқатилди. Қишлоқнинг 85 ёшдан ошган барча отахон-онахонлари зиёрат қилинди. Уйида таълим олишга мажбур бўлаётган хаста болалар, кам таъминланган оилалар фарзандларига ҳадялар улашилди.  Абдуқаҳҳор Ҳасанов, Ғанишер Раимқулов, Муҳиддин Сиддиқов, Неъмат Адаҳамов, Иброҳимжон Ҳасанов, Абдураҳмат Ниёзқулов, Бадриддин Нишонқулов ва бошқа саховатли инсонларнинг моддий ҳамда  маънавий  ёрдами туфайли кўплаб хонадонларга қувонч кириб борди.