Инсон аъзолари ҳаммаси ҳам ўзига бўйсунадими? Йўқ, албатта. Масалан, кўз­ларимиз беихтиёр биз буни хоҳлаймизми, йўқми, яхшини ҳам, ёмонни ҳам, нимаики бўлса, кўради, бур­нимиз эса атрофимиздан таралаётган ҳидларни, хуш­бўй ёки бад­бўйлигидан қатъиназар, сеза­ди, қулоқ ҳам бўйсунмас аъзоларга кириб, яхши-ёмон гапларни эшитади.

Инсонда яна учта аъзо бор, булар: қўл, оёқ, тилдир. Ин­сон ўз ақли ҳамда хо­ҳиш-истаклари билан бу аъзо­ларини бошқара ола­ди. Ихтиёримизда бўл­ган аъзоларимиз ор­қали бўйсунмайдиган аъзо­лари­­­­мизни кўриш мумкин бўл­маган кўринишлардан, нохуш ҳидлардан, ёмон сўзлардан сақлашимиз мумкин. 

Қуръони Каримда фарз этилган амалларга итоат этиб, масжидларга бориб, беш вақт намоз ўқиган ки­­шининг бутун аъзолари фақат яхшиликлар сари юзланади, эшитгани Қуръон оятлари, кўрадигани яхши инсонлар, бажаргани эса яхши амаллар бўлади. Ва яна кутубхоналарга бо­риб, китоб олиб ўқисак, зиё­ли­­­ла­­­римизнинг зиё ну­­­­­ридан нафақат ташқи аъзо­лар, қал­­­­­­­­­­­­­­­­бимиз ҳам баҳ­раманд бў­­­­лади. 

Буюк файласуф Эзопдан:  

– Энг ширин нарса нима? – деб сўраганларида,                                                       

– Тил, – деб жавоб берган,                                                                                         

– Энг аччиқ нарса нима? – деганларида ҳам, “тил” деб жавоб берган. 

Демак инсон ўз азоларини фақат яхшиликлар учун  ҳаракатлантириши мумкин. Барчамизни яхшилик сари юзланмоққа чорлаб турган Ҳаққа қулоқ тутайлик, бош эгайлик, имон нуридан баҳраманд бўлиб, икки дунё саодатига мушарраф бўлайлик! 

Шоҳдан ҳам, гадодан ҳам қолган бу дунё биздан ҳам қолади, шундай экан, аъзо­ларимизни барча  ёмон­лик­лардан асрайлик!