Ғалаба байрами арафасида Туркистондаги 20-сонли Совет Иттифоқи Қаҳрамони Расул Исетов номидаги ўрта мактаб ҳовлисида қаҳрамонга ёдгорлик очилди. 

Вилоят маслаҳати депутати Рахим Танирбергенов, жамоат ташкилотлари раҳ­барлари Жарилқасин Азретбергенов, Жарқинбек Қулбайимбетов, мактабнинг собиқ раҳбари Эргаш Диметов ва бошқалар Расул Исетов ҳақидаги хотираларини айтиб, ёдгор­ликнинг очилиши билан йиғилганларни муборакбод этдилар. 

Астана шаҳридан келган тарих фанлари док­тори, ҚР Бадиий академияси академиги, ҚР Президенти телерадиомажмуаси директорлар кенгаши аъзоси Марат Абсеметов космонавт Тўхтар Аубакиров номидан табрик сўзларини етказиб, пойтахтдаги марказий кўчалардан бири­га ҳам Расул Исетов номи берилганини етка­зиб, мактаб директори Нурбол Дуйсебекка ўз китобларидан тўртта жилдини тақдим этди. 

Тадбирда қаҳрамоннинг фарзандлари – Ота­­­­­­­­­жон, Олимжон, Саломат ҳамда Марҳабо Исе­­­­­­товлар, неваралари, эваралари иштирок этдилар. Ёдгорликни тайёрлаш бўйича барча ташкилий ишлар, Х. Холметов бунёд этган «Жұлдыз» тўйхо­­насидаги кўп кишилик худойи оши, махсус фильм тайёрлаш қаҳрамоннинг фарзанди, «Тас жол» МЧБ раҳбари Олимжон ҳомийлигида амалга ошди.

Келажакда О. Исетов ҳомийлигида қаҳрамон­­­­­­­нинг ҳаёт йўли, мардлигига бағишланган махсус китоб чоп этиш ҳам режаланмоқда.