Жанубий Қозоғистон вилоят ҳокимлиги ва вилоят оила, болалар ҳамда ёшлар ишлари бош­­­­­­­­­­­қар­масининг ташаббуси билан Ш. Қалдаяқов номидаги филармонияда “Намунали оила – 2018” миллий танлови ғолибларини тақдирлаш маросими ўтди.

Танловнинг мақсади – инсоний қадриятларни янгилаш, оилада ўзаро ҳурмат, меҳр-оқибат муно­­­­­­­­сабатларини мустаҳкамлаш, фар­­­занд тарбиясида ота-онанинг масъулиятини ошириш, оила қад­­­­­­­риятларини тарғиб қилиш, мам­лакатимизда маънавиятли ои­ла­ларни шакллантириш борасидаги ислоҳатларни тарғиб қилишдан иборат.

Танлов уч  – туман, вилоят ва рес­­­­публика босқичларида ўтди.

Вилоятимизда ҳар бир тумандан иккитадан оила танловда қатнашиб, махсус комиссия ғолиб ва соврин­дорларни саралаб олди.

Вилоят ҳокимининг ўринбосари Е. Садир иштирок этган тантанада энг яхши, деб тан олинган 28 ои­ла­­­­­­­га вилоят ҳокимининг ташак­кур­­­номалари ва 200 минг тенгедан му­­кофот пули топширилди. Улар ора­сида Қозоғистон Республикаси маданият арбоби, продюсер, устоз санъаткор Толибжон Холметовнинг оиласи ҳам борлиги бизни қувон­тирди. 

Энг намунали, деб тан олинган икки оилага 1 миллион тенгедан мукофот пули берилди ва улар республика танловида вилоятимиз шарафини ҳимоя қиладиган бўлди.