Жорий йилнинг 1 июнидаги маълу­мотга кўра, Туркистон вилояти аҳо­­­­­­­­ли­сининг сони – 1 955 219 кишини таш­­кил этди. Шундан шаҳарликлар – 380 929 (19,5%), қишлоқда яшовчилар – 1 574 290 киши (80,5%)дир. 

Буни Туркистон вилояти мин­та­­­­қавий коммуникациялар хизматида ўтган брифингда статистика депар­таменти раҳбари Айдар Абилдабеков маълум қилди. Туркистон вилояти республикада де­­­мо­­­­­­­график кўрсаткичлар бўйича 1-ўрин­да, аҳо­ли сони жиҳатидан иккинчи ўринни эгаллайди.

– Вилоятда 2018 йилнинг январь-май ойларида аҳолининг табиий ўсиши 17 448 кишини ташкил этиб, ўтган йил­­­­­нинг шу даврига нисбатан 2,8 фоиз­га ортган. Вилоят туғилиш бўйича рес­публикада олдинги ўринларда бор­моқда. Жорий йил январь-май ой­ларида 1000 қиз бола, 1074 ўғил бола туғилди. Шу даврда вилоят бўйича ўлганлар сони – 4276 кишини ташкил этган, яъни ўтган йилнинг тегишли даврига нисбатан 1,1 фоизга камайган, – деди Айдар Ахметбекули.

Бундан ташқари, 2018 йилнинг январь-майида миграция орқали ви­лоятга келганлар сони – 38 689ни ташкил этиб, ви­ло­­ят­дан кетганлар сони – 77 524га етган. Улардан 8605 ки­ши – Қозоғистоннинг бош­қа вилоятларига, 60 киши – ҳам­дўстлик мамлакатларига, 6 ки­ши – олис хориж мамла­­­­­катига кетган.