Шимкент шаҳридаги ихтисослаштирилган Аҳолига хизмат кўрсатиш марказида минтақавий сони 17 бўлган дастлабки давлат рақами берилди.

“17” давлат рақамини би­рин­чилардан бўлиб шим­кентлик Алия Ўналбек олди. 

Маълумки, яқинда Шим­кент республика аҳамиятига эга шаҳар мақомини ол­ган бўлса, Туркистон шаҳ­ри вилоят мар­казига ай­лантирилди. Шунга мувофиқ, транспорт воситаларининг давлат ра­қамларида ҳам ўзгаришлар содир бўлди. Эндиликда Шим­кент шаҳ­рида рўйхатдан ўтган авто­мобилларга 17сонли дав­лат рақами берилса, Тур­кистон вилояти аҳолиси ав­валгидек 13 сонли давлат рақамини оладилар.

Туркистон вилоятидаги мижозларга бугунги кунда 25та фронт-офис давлат корпорацияси хизмат кўр­са­тади, улар сафига Шимкент шаҳридаги АХКМнинг 8та бў­лими ҳам киради. Уларнинг биттаси ихтисослаштирилган АХКМ бўлиб, у ҳайдовчилик гу­­­­­воҳномаси бериш ва транс­порт воситасини рўйхатга қў­йиш билан шуғулланади. 

Бу ерда, шунингдек, ҳай­довчилик гувоҳномасини олиш учун тиб­биёт кўригидан ўтиш мум­кин. Айтганча, нар­колог ва руҳшунос ҳам шу ер­да тав­сифнома беради. 

Шимкентдаги ихти­сос­лаш­­тирилган АХКМда йил бо­шидан буён 25 минг ҳай­довчилик гувоҳномаси бе­рилиб, 130 мингдан зиёд ав­то­мобиль рўйхатга олинган.